أمراض الجهاز الهضمي عند الأطفال: الأسباب والأعراض وطرق العلاج

أمراض الجهاز الهضمي عند الأطفال من اكتر المشكلات اللي بتظهر في سن صغير وبيكون لها تأثير مباشر على صحة الطفل ونشاطه اليومي لان الجهاز الهضمي مسؤول عن امتصاص الغذاء اللي بيساعد الطفل يكبر ويتحرك ويتعلم

وفي السن الصغير بيكون الجهاز الهضمي لسه ما اكتملش بشكل كامل وده يخليه اكثر حساسية للتغيرات سواء في نوعية الاكل او الروتين اليومي او التعرض للعدوى وده يخلي امراض زي اسهال معدي قيء التهاب معدة وانتفاخ من اكتر المشاكل انتشارا بين الاطفال

كمان الاطفال بيتعرضوا لميكروبات بسهولة بسبب اختلاطهم المستمر في المدارس والحضانات وده يزيد فرص الاصابة بفيروسات المعدة اللي بتسبب قيء ومغص واسهال وحرارة وفي بعض الحالات بيحتاج الطفل لتعويض السوائل بسرعة علشان ما يدخلش في جفاف

وفي نوع تاني من امراض الجهاز الهضمي بيكون مرتبط بحساسية معينة زى حساسية البروتين او عدم تحمل اللاكتوز ودي بتسبب مغص مزمن وانتفاخ وبراز غير طبيعي ولو ما اتشخصتش بدري ممكن تأثر على نمو الطفل

وفي كل الحالات ملاحظة الاعراض بدري والمتابعة مع دكتور اطفال مهم جدا علشان الحالات البسيطة ما تتحولش لمشكلة اكبر وتسبب ضعف عام او نقص وزن او سوء تغذية للطفل

علاج مشاكل الهضم للأطفال 

علاج مشاكل الهضم عند الاطفال بيعتمد بشكل اساسي على تحديد السبب الحقيقي للمشكلة لان كل طفل ممكن يعاني من اعراض مختلفة حتى لو نفس المرض وعلشان كده اهم خطوة هي ملاحظة الاعراض بشكل واضح ومعرفة وقت ظهورها واشكال الاكل اللي بتزود المشكلة

اول خطوة في العلاج بتكون غالبا تنظيم الاكل وابعاد الاطعمة اللي بتتعب معدة الطفل زي الاكل المقلي الحلويات الدسمة العصائر الصناعية والمشروبات الغازية وبدلها بنركز على الاكلات الخفيفة سهلة الهضم زي الشوربة البطاطس المهروسة الجزر التفاح المسلوق والزبادي

ولو المشكلة ناتجة عن عدوى فيروسية فالعلاج بيكون معتمد على السوائل لتعويض الجفاف وراحة المعدة من الاكل لفترة قصيرة مع متابعة الحرارة واعطاء الادوية اللي يحددها الدكتور حسب الحالة

اما لو المشكلة بسبب امساك مزمن فالعلاج بيكون بزيادة الالياف في الاكل زي الخضار والفاكهة والمياه مع تدريب الطفل على دخول الحمام بانتظام ولو لزم الامر الدكتور ممكن يكتب ملين آمن للاطفال لفترة معينة

وفي حالات عدم تحمل اللاكتوز او حساسية الاطعمة بيكون العلاج في الاساس بتغيير نوع الحليب او استبعاد الطعام المسبب للمشكلة وده لازم يتم تحت متابعة طبية علشان نتأكد ان الطفل بياخد كل العناصر اللي محتاجها للنمو الطبيعي

أعراض القولون العصبي عند الأطفال

اعراض القولون العصبي عند الاطفال ممكن تكون محيرة للامهات لانها بتتشابه مع مشاكل هضم كتير وعلشان كده مهم ملاحظة النمط المتكرر للاعراض مش مجرد مرة واحدة بتحصل بالصدفة

اشهر عرض هو الم متكرر في البطن بيزيد بعد الاكل وينخفض بعد دخول الحمام وبيكون الالم ده غالبا حوالين السرة او في الجنبين وبيجي على شكل نوبات متقطعة مش مستمرة طول اليوم

كمان الاطفال اللي عندهم قولون عصبي ممكن يعانوا من انتفاخ واضح في البطن وغازات كتير وده بيحصل بسبب بطء حركة الامعاء او تهيجها وده يخلي الطفل يحس بعدم ارتياح حتى لو اكل كمية صغيرة

التغيرات في حركة الامعاء من العلامات المهمة برضه وبتظهر اما في صورة امساك مستمر او اسهال متكرر واحيانا بيحصل تبديل بينهم وده بيخلي التشخيص ادق لما الدكتور يعرف التاريخ الكامل للحالة

بعض الاطفال كمان بيحسوا بغثيان خصوصا الصبح او قبل الاكل وبيدايقهم صوت زغولة البطن واحيانا يقل وزنهم لانهم بيخافوا ياكلوا بسبب الالم والتقلصات

ولو الاعراض دي مستمرة لاكتر من اسابيع ومفيش سبب عضوي واضح لازم متابعة طبية لان علاج القولون العصبي عند الاطفال بيعتمد على الاكل المناسب وتهدئة القلق وتنظيم نمط اليوم

أسباب القيء المتكرر عند الأطفال 

اسباب القيء المتكرر عند الاطفال متنوعة ومش دايما معناها ان في مشكلة خطيرة لكن لو تكرر بشكل واضح او استمر لفترة طويلة لازم يتشاف علشان نعرف السبب الحقيقي ونعالج المشكلة بسرعة

اكتر سبب شائع هو العدوى الفيروسية اللي بتسبب ترجيع واسهال وارتفاع حرارة ودي غالبا بتيجي بشكل مفاجئ وتتحسن خلال ايام مع الراحة والسوائل لكن مهم جدا منع الجفاف عن الطفل لانه اخطر من نفس القيء

كمان ارتجاع المريء من الاسباب اللي بتعمل قيء متكرر خصوصا عند الرضع والاطفال الصغيرين وبيبان في صورة ترجيع بعد كل رضعة او وجبة واحساس بعدم الراحة وده بيتحسن غالبا مع العمر وتنظيم الاكل

الاطفال اللي عندهم حساسية غذائية سواء من اللبن او البيض او القمح ممكن يجيلهم قيء بعد فترة قصيرة من اكل الطعام المسبب للحساسية وده بيحتاج تشخيص دقيق واستبعاد الاكلات اللي بتعمل المشكلة

في اسباب تانية زي التهاب المعدة والامعاء التسمم الغذائي التهاب الاذن الوسطى وحتى التوتر والقلق ممكن يسببوا قيء عند الاطفال وده بيظهر اكتر قبل المدرسة او وقت الضغط النفسي

ولو القيء مصحوب بجفاف شديد خمول دم في الترجيع صداع قوي او عدم قدرة على الاكل لازم فحص طبي فوري لان الحالة هنا محتاجة تدخل اسرع لتجنب المضاعفات

تشخيص أمراض المعدة للأطفال

تشخيص امراض المعدة عند الاطفال محتاج دقة كبيرة لان الاعراض كتير منها بيشبه بعضه وممكن يحصل من اسباب بسيطة او اسباب لازم تدخل طبي اسرع وعلشان كده الدكتور بيبدأ دايما بجمع تاريخ كامل للحالة يشمل الاكل اللي بياكله الطفل ووقت ظهور الاعراض ونوعيتها وهل بتتكرر ولا لأ

بعد كده بيتم فحص الطفل فحص سريري شامل علشان يحدد مكان الالم وهل في انتفاخ او علامات جفاف او حرارة وده بيساعد في تحديد الاتجاه اللي هيكمل عليه التشخيص

الدكتور ممكن يطلب تحليل دم علشان يشوف وجود التهابات او انيميا او نقص في بعض العناصر كمان تحليل براز مهم جدا لو في اسهال مستمر او شك في وجود عدوى او سوء امتصاص

وفي بعض الحالات بيحتاج الطفل اشعة تليفزيونية على البطن ودي بتوضح شكل المعدة والامعاء والكبد والمرارة وبتساعد في تشخيص مشاكل زي التهاب المعدة تضخم الغدد او الامساك الشديد اللي ممكن يظهر في الاشعة

اما في الحالات اللي الاعراض فيها مستمرة لفترة طويلة او غير مفهومة ممكن الدكتور يطلب منظار معدة وده بيكون مفيد في تشخيص التهابات المعدة حساسية القمح قرح المعدة او ارتجاع المريء وبيتعامل معاه الاطفال بشكل آمن

وكل خطوة من خطوات التشخيص بتكون هدفها الوصول للسبب الحقيقي بسرعة علشان يبدأ الطفل علاج مناسب ويقدر يرجع لحالته الطبيعية من غير ما يحصل مضاعفات

علاج الإمساك المزمن عند الأطفال 

علاج الامساك المزمن عند الاطفال لازم يبدأ بفهم الحالة نفسها لان الامساك لو استمر فترة طويلة ممكن يسبب الم شديد ورفض الطفل دخول الحمام وده يخلي المشكلة تزيد مع الوقت وعلشان كده العلاج بيكون تدريجي ومبني على تغيير العادات قبل الادوية

اول خطوة هي زيادة كمية الالياف في اكل الطفل لانها بتلين البراز وبتساعد الامعاء تتحرك بشكل طبيعي والالياف موجودة في الفاكهة زي التفاح الكمثرى الخوخ وفي الخضار زي الكوسة البروكلي والبقوليات وكمان مهم جدا يشرب مياه بكمية كافية كل يوم

تنظيم مواعيد دخول الحمام خطوة اساسية لان تدريب الطفل انه يقعد على الحمام بعد الاكل مباشرة لمدة دقايق بيحفز الامعاء انها تشتغل وده مع الوقت بيخلي الجسم يتعود على روتين طبيعي من غير ألم

لو الامساك مستمر ومسبب ألم شديد الدكتور ممكن يكتب ملين آمن للاطفال لمدة معينة وده بيساعد في تفريغ البطن من غير ما يسبب تعود والمهم ان استخدامه يكون تحت اشراف طبي بس

كمان مهم نبعد عن الضغط على الطفل او توبيخه وقت الدخول للحمام لان التوتر بيزود الامساك ويخلي الطفل يخاف يحاول وده يعقد المشكلة اكتر

ومع متابعة بسيطة وتغيير في الاكل والعادات اليومية معظم حالات الامساك المزمن بتتحسن بشكل كبير وبيقدر الطفل يرجع لطبيعته من غير ألم او معاناة

اضطرابات الأمعاء عند الأطفال

اضطرابات الامعاء عند الاطفال تعتبر من المشاكل الشائعة اللي بتسبب قلق للامهات لانها ممكن تظهر في شكل اسهال متكرر او امساك او الم في البطن او انتفاخ وكتير من الاضطرابات دي بتكون بسيطة لكنها محتاجة متابعة وفهم سببها علشان العلاج يكون صح

اكتر سبب لاضطرابات الامعاء هو العدوى سواء بكتيرية او فيروسية ودي بتظهر غالبا مع اسهال وترجيع وارتفاع حرارة وممكن تتحسن خلال كام يوم مع الراحة والسوائل اما لو استمرت لفترة طويلة لازم تحليل براز للتأكد ان مفيش طفيليات او بكتيريا محتاجة علاج معين

كمان بعض الاطفال بيعانوا من اضطرابات بسبب حساسية الاطعمة زي حساسية اللبن او الجلوتين وده بيظهر في صورة اسهال مستمر انتفاخ غازات ألم بعد الاكل ونقص وزن وعلشان كده التشخيص لازم يكون دقيق قبل ما يتم منع اي نوع من الاكل

في اطفال بيكون سبب الاضطراب عندهم هو القولون العصبي وده بيظهر مع التوتر والقلق وبيعمل لخبطة في حركة الامعاء بين امساك واسهال وانتفاخ وده محتاج نظام غذائي مناسب وتنظيم يوم الطفل وتقليل الاكلات اللي بتعمل تهيج

واحيانا تكون الاضطرابات نتيجة نقص انزيمات معينة في الامعاء او سوء امتصاص وده بيحتاج فحوصات علشان يتعرف السبب ويتعالج بشكل صحيح

والاهم دايما ان اي اضطراب يستمر اكتر من اسبوع او يكون مصحوب بجفاف او دم في البراز لازم يتشاف فورا لان العلاج المبكر بيمنع مضاعفات كتير

الخلاصة

أمراض الجهاز الهضمي عند الأطفال من أكتر المشكلات اللي بتظهر في السنوات الأولى وبتسبب قلق كبير للأهل لأنها بتأثر على شهية الطفل وراحته ونموه الطبيعي وعلشان كده مهم جدا إن أي عرض يستمر فترة أو يتكرر لازم يتشاف ويتابع بشكل طبي علشان نعرف سببه بدقة

مشاكل الهضم عند الأطفال ليها أسباب كتير منها العدوى الفيروسية الالتهابات حساسية الأطعمة الامساك المزمن اضطرابات القولون وأحيانا التوتر والقلق وعلشان كده التشخيص الصح بيبدأ من ملاحظة الأم لكل عرض ووقت حدوثه وشكل الأكل اللي بيسبب المشكلة للطفل

العلاج بيختلف حسب السبب لكنه دايما بيبدأ بتنظيم الأكل وشرب المياه وإبعاد الأطعمة الدسمة والمقليات ومع تحسين نمط الطفل اليومي بتتحسن أغلب الحالات وممكن في حالات معينة يحتاج الطفل تحليل دم براز أو أشعة علشان الدكتور يحدد المشكلة ويبدأ العلاج المناسب

والأهم إن أي قيء متكرر اسهال مستمر فقدان وزن ألم شديد جفاف أو أعراض بتزيد مع الوقت لازم يتشافوا فورا لأن التدخل المبكر هو اللي بيحمي الطفل من المضاعفات وبيساعده يرجع لطبيعته أسرع

https://my.clevelandclinic.org/health/diseases/15254-pediatric-digestive-disorders

https://www.niddk.nih.gov/health-information/digestive-diseases

https://kidshealth.org/en/parents/digestive.html

https://my.clevelandclinic.org/health/diseases/14238-irritable-bowel-syndrome-ibs-in-children